Ov et öm Eizelungerrich, Band-Gesangsungerrich, Chorungerrich oder sujar … telefonisch Gesangsungerrich jeiht, se finge he all Informatione:
SOLO UNGERRICH
Egal ov do an Amateur oder en erfahrene SängerIn bes, ov do dech för Oper, Jazz, Pop oder för
Rockmusik interesseers, ming Philosophie es : De Aufgab vun ener Gesangsliehrkraff ess ed vör allem, zo zigge wat jood für DING Stimm un DINGE Liev ess un kei Zigg domit zo verdon stundelang ahn ener nit flexiblen, fess Gesangstechnik ze arbeide, die för manche, ävver am Engk nit för DICH pass.
Beienein finge m’r erus, wat för Musikstück un wat för en Repertoire för Dinge Style am beste passe dät un wie Do Ding künslerische Vörstellunge am effektivste met dinge Stimm ömsetze kanns. Dä Ungerschied kanns do allt noh winnige Stund spöre.
De Bestätigung doför kütt, wann Do Dich bei Live-Auftritte vör Publikum mieh frei un secher föhls.
TELE UNGERRICH
En innovativ Idee es dürch dä Alltag spontan entstande: Skype oder Viber Ungerrich. Wann de OpernsängerInne, die ich ungerrichte en andere Länder ( oder sujar Kontinente ) wore un kei Möglichkeit wor bei mir Ungerrich ze krijje, musste mer en Lösung finge. Mer bruche nor en Internetverbindung, ene Rechner oder a Handy un dä Ungerrich is dann tirek bei dir Zohus oder en dinge Jadderob em Thiater!
BAND UNGERRICH
Et jit esu vill Bands en unser musikalisch Welt. Ävver nor en paar Dutzend vun dene wäde en ech dä Durchbruch schaffe. De Details sin et, die dä Ungerschied usmaache zwesche d’r andere un Dinge Band!
Beienein finge m’r de starke un de schwache Punk vun üch Performance un verstärke oder …eliminiere se! Dann es dä Wäch zom Erfolg frei!
CHÖRE UNGERRICH
De Arbeid vun enem Chorleiter oder ener Chorleiterin besteht miestens dorenn, de Musik einzestudeere un se ze interpretiere. Nor selde künne ChorleiterInne in ech helfe, wann et öm Gesangstechnik jeiht.
Ävver de Qualität vun d’r Musikinterpretation un de Homogenität vun d’r Stemm in dem Chor wöd steige, wann die einzelne Sänger en besser Senn für dere eije Stemm hätt un sie se besser kontrolliere künnt.
Ming Aufgab es et, ne Gesangstechnik ze zeige, die de Sänger als Grupp un och individuell wigger entwickele künne, öm dodurch ihr künslerisch Qualität ze bereichere, egal wat för en Repertoire och immer dä Chor leever hät ( Klassisch, Musical, Gospel, un esu wigger).
(Wann et öm Chor-Gesangsungerrich jeiht, reis ich jään en Ihr Stadt.)
Julia – Früherziehung, Kinnerchor & Instrumente
Tanz & Klang – Musikalische Früherziehung för kleine Entdecker
Tänzerische un musikalische Früherziehung (ca. 3–6 Johre): Musik erlääve – danze – spille – selvs jestaalte
En däm Kurs entdecke de Pänz die Welt vun Musik un Tanz met all ihre Sinne. Se beweje sich zer Musik, lerne Rythme kenne, probiere verschiedene Instrumente us un krieje ganz spielerisch e Jeföhl för Takt, Klang un Bewejung.
Met Orff‑Instrumente wie Klanghölzer, Rasseln, Trommeln, Jlöckcher un Klangstäbe lerne de Kinner einfache Rythme ze spille, Musik opmerksam ze höre un selvs musikalisch aktiv ze wähde. Dobei erfahre se, wie Bewejung, Rythmus un Klang zosammehänge.
Durch Tanz- un Bewejungsspill, Singen, rhythmische Övunge, kleine Jeschichten un kreative Musikspill wääde musikalische Wahrnehmung, Koordination, Rythmusjeföhl un Köperbewusstsein jefördert.
De Pänz dörfe selvs ußprobeere, jestaale un ihrer Fantasie freie Lof lohße: Wie klingt ene Rähn? Wie beweje sich ene Schmetterling zer Musik? Künne mer zosamme ene Rythmus spille? Un wie klingt unsere eigene kleine Band?
Och erste tänzerische Elemente us Ballett, kreativem Kindertanz un modernem Tanz kumme spielerisch en de Stunde erin.
Em Middelpunkt steiht nit dat perfekte Ußführe vun Schritten, sondern die Freud an Musik, Bewejung un däm eigene kreative Ußdruck. För Pänz vun ca. 3–6 Johre, en Kleingruppe met 6–10 Kinner. Keine Vorkenntnisse erforderlich. Ene Kurs zum Hüre, Singen, Musiziere, Danze un Entdecke.
Singfreude Kids – Ding Chor ab 8 Johre!
Do häs Musik jään, häs Freud am Singen un wells met andere zosamme richtich jode Leeder op de Bühn brenge? Dann bes do bei uns janz jenau richtig!
Mer singe moderne Leeder, probiere verschiedene Styles us un han vor allem jede Menge Freud. Kumm vorbei, sing met un wähd Teil vun unserer Singfreude‑Crew!
Klavierunerricht
Individueller Unerricht för Anfänger un Fortjeschrittene — met Fokus op Ußdruck un musikalischer Präzision.
Klarinettenunerricht
Professioneller Einzelunerricht för Kinner, Jugendliche un Erwasene.